descompoñer

1. v t

   Facer que unha cousa deixe de funcionar ben.

2. v t

   Separar algunha cousa nos elementos que a compoñen.

3. v t

   Facer saír do seu sitio un óso.

4. v t

   Causar algo diarrea a alguén.

5. v t

   Alterar un corpo orgánico mediante un proceso de putrefacción.

6. v t

   Facer perder a serenidade.

7. v pron

   Deixar de funcionar algo.

8. v pron

   Ter diarrea.

9. v pron

   Botarse a perder unha cousa ou alterarse a súa natureza.

10. v pron

    Perder a serenidade por algo.

Sinónimos

Confrontacións

Citas

• A calor descompuxo os cadáveres
• A maionesa descompúxoo e estivo tres días mal
• Andou na máquina de coser e descompúxoa toda
• Coa crise descompúxose o proxecto de formar unha empresa, Descompúxose todo o palleiro cando choveu
• Descompúxenme porque comín moitas ameixas
• Descompuxo a substancia no laboratorio, Descompuxo a oración en partes
• Descompuxo o roupeiro todo e non encontrou o que buscaba, A chuvia descompuxo os nosos plans, Quixo mellorar o nó da gravata e descompúxoa aínda máis
• Descompúxose a máquina de escribir de vella que era
• No enterro non podía máis e descompúxose ao ver o cadaleito
• O carbonato cálcico descomponse co ácido sulfúrico, As nubes descompuxéronse co sol
• Os alimentos descompóñense rapidamente no verán
• Saber a nova da morte de súa nai descompúxoa
• Xogando o partido déronlle unha patada e descompuxo o nocelo