cúspide

Escoitar
cúspide

lat cuspĭde ‘punta, extremo’

Plural: cúspides
  1. s f

    Parte máis alta dunha montaña.
  2. s f p ext

    Parte máis elevada de algo.
  3. s f [MAT ]

    Punto onde concorren todas as arestas laterais dunha pirámide ou todas as xeratrices dun cono.
  4. s f [ANAT ]

    Cada unha das láminas que constitúen unha válvula cardíaca.
  5. s f [ANAT ]

    Protuberancia lisa da cara superior das moas que aumenta a eficiencia da moenda durante a mastigación.

Sinónimos

bicarelo, bico, cabeza, cabezo, cemba, cima, cimeira, cimo, coroa, cotarelo, cume, cumio, curota, curuto, petouto, pico, picoto, picouto

Citas

  • Acadaron a cúspide da fama despois do seu terceiro traballo discográfico
  • Chegaron á cúspide da montaña despois de catro horas de percorrido
  • Subiu á cúspide da torre polas escaleiras de incendios

Palabras veciñas

cuscutáceo -a cuspe cuspia cúspide cuspideira cuspidela cuspido -da