bandeira

bandeira

gót bandwo ‘signo, estandarte’

  1. f
    1. Anaco de tea, habitualmente rectangular, fixado por un lado a un pau ou hasta e que serve como símbolo ou insignia dunha nación, estado, cidade, dinastía, autoridade, partido, asociación, ou como un signo para identificar situacións xurídicas, militares ou técnicas.

    2. Obxecto que reproduce o anterior en tea, papel ou outro material, empregado con fins diferentes.

    3. Pintura ou representación das cores da bandeira.

    4. Nacionalidade á que pertencen os buques mercantes que a portan.

  2. f

    Causa ou ideoloxía defendida por alguén.

  3. f
    1. Unidade militar que segue unha bandeira.

    2. Unidade militar equivalente a un batallón.

  4. f [HIST ]

    Expedición exploratoria con finalidades económica. OBS: Tamén se denomina entrada.

  5. f [METEOR ]

    Nube que se forma a sotavento de certos picos moi altos, en días de vento forte.

  6. f [TRANSP ]

    Placa exterior visible que cando se baixaba poñía en marcha o mecanismo e cando se subía, mantíñao parado, no antigo taxímetro mecánico.

  7. f [XEOG ]

    Concreción de forma ondulante, referido a unha cova.

  8. bandeira de armador [MAR ]

    Bandeira que ten o distintivo do armador.

  9. bandeira de conveniencia [MAR/DER ]

    Bandeira mercante dalgúns estados cando é utilizada polos barcos pertencentes a outros estados.

  10. bandeira de guerra [BÉL ]

    Bandeira que identifica o conxunto das forzas armadas dun estado.

  11. bandeira de servizo [MAR ]

    Bandeira que enarboran entidades, barcos e instalacións, de determinados servizos públicos nalgúns estados.

  12. bandeira de socorro [MAR ]

    Posición da bandeira dun país ou estado cando non está izada completamente e que significa petición de auxilio.

  13. bandeira mercante [MAR ]

    Bandeira que enarboran os barcos mercantes como símbolo do país onde son abandeirados.

  14. bandeira nacional [MAR ]

    Bandeira que simboliza unha nación ou un estado, normalmente adoptada dun xeito oficial.

  15. bandeira negra [HIST ]

    Bandeira izada para indicar a intención de loitar ata a morte.

  16. bandeira real [HIST ]

    Bandeira que levaba o alférez real ou maior diante do soberano cando el persoalmente comandaba o exército, ou na que figuraban as armas do monarca.

  17. bandeira vermella

    Bandeira utilizada en sinal de perigo ou como símbolo de loita social.

  18. sala de bandeiras [BÉL ]

    Cuarto do cuartel onde se gardan as bandeiras ou os estandartes do corpo.

  19. xura de bandeira [BÉL ]

    Práctica tradicional militar coa que os novos membros dunha unidade prometen fidelidade á súa bandeira.

Sinónimos

Confrontacións

estandarte, pavillón, pendón

Citas

  • A bandeira de Francia é branca, vermella e azul
  • Á porta do edificio do Parlamento de Galicia están izadas as bandeiras galega e española, O día da Patria víronse en Compostela moitas bandeiras que encheron a Quintana
  • Estes libros teñen uns bos mapas nas bandeiras
  • Na Guerra Civil moitos combatentes abandonaron a bandeira
  • Na praia das Catedrais había unha bandeira vermella que indicaba o perigo das fortes ondas
  • No porto da Coruña hai unha bandeira de servicio
  • O barco inimigo izou a bandeira branca antes de entregar as súas armas
  • O capitán mandou arriar a bandeira ao chegar a porto
  • O capitán mandou gardar as armas na sala de bandeiras
  • O outro día fomos á xura de bandeira do meu curmán
  • O uniforme da policía autonómica galega leva a bandeira bordada na manga
  • Os inimigos baixaron a bandeira ao ver que non tiñan ningunha posibilidade
  • Os partidos políticos nacionalistas actuais fan do galeguismo a súa bandeira
  • Os piratas enarboraron a bandeira negra para atacar as naves inglesas
  • Os piratas facían abuso de bandeira sempre que preparaban unha abordaxe
  • Por mor da chegada do príncipe á escola Naval de Marín os barcos despregaron a bandeira de combate

Frases feitas

  • Bandeiras despregadas. Abertamente e

  • Mudar de bandeira. Cambiar de partido, de opini

  • Portar a bandeira (nalgunha cousa). Ser o que leva a iniciativa, dirixe ou organiza algo.

  • Portar alta a bandeira. Facer honor a un cargo. Ex: O colexio da mi

  • Pregar bandeiras. Desistir dunha empresa, renderse logo dunha desfeita. Ex: Quer