conformidade

1. s f

   Calidade das cousas que se asemellan ou teñen outra como referente.

2. s f

   1. Feito de estar conforme coa opinión doutra persoa.

   2. Expresión desa aprobación.

3. s f [ESTRATIG ]

   Relación entre dous estratos, pisos ou series, que se dispoñen paralelamente un detrás do outro, sen que haxa ningún tipo de interrupción na sedimentación.

4. s f [SOCIOL ]

   Aceptación, por parte dos membros dunha comunidade, das normas que prevalecen nesta nun momento dado, impostas ou mantidas polo grupo social dominante.

Sinónimos

Antónimos

Confrontacións

Citas

• Non hai conformidade entre as pretensións do club e as do xogador
• Para continuar co proceso cómpre ter a conformidade dos implicados, Asistir á presentación do acto reafirmou a súa conformidade co proxecto

Refráns

• A cada paxariño chégalle o seu niño.
• A faldriqueira do pobre, con pouco diñeiro se enche.
• A falta da vaca, bos son polos con touciño.
• A falta de pan, bo é pantrigo / bo é o pantrigo.
• A falta de pan, boas son bicas.
• A que non ten doncela, sérvese ela.
• Agárrome a este sacho porque outro mellor non acho.
• Algo é algo pero menos é nada.
• Algo non é moito, pero nada inda é menos.
• Cada paxariño atópase ben no seu niño.
• Cando fores bigomia, aguanta; cando fores martelo, malla.
• Colle o tempo a conforme vén, se outra cousa non podes facer.
• En tempo e lugar hai que saber perder e gañar.,
• Na noite da voda cal a topes, tal a toma.
• No palleiro ben dorme o que anda ao ventimperio.
• O lobo non come da carne que quer senón da que houber.
• Pan da miña falchoca, como el non me falte, todo me sobra.
• Pucheiriño pequeno logo está cheo.
• Se non vexo polos ollos, vexo polos anteollos.
• Tan contenta vai unha galiña cun polo coma outra con oito.
• Tanto o pan coma o queixo e tanto o queixo coma o pan, cómoo se mo dan.
• Teño o que teño e, co que teño, ben ou mal me manteño.
• Todo o que vén, convén.
• Toma o que che dan e non chores polo que queda.
• Vale máis algo que nada.
• Xa que non hai fogazas ¡veñan as pandeiradas!
• ¡Nunca a feira vaia que máis mal me saia!
• ¡Nunca vaia a feira que máis perda!