cantar

1. s m

   Composición cantada.

2. 1. s

      Composición poética formada por unha estrofa de catro versos de arte menor con rima asonante nos pares.

   2. cantar de xesta

      Poema narrativo medieval en lingua románica, centrado en feitos históricos con moitos elementos lendarios que era divulgado polos xograres.

3. 1. cantar de aninovo

      Composición coñecida como xaneira, anibón e panxoliña que presenta unha estrutura simple e que era executada por rapaces e mozos diante das casas.

   2. cantar de arrieiro

      Canto propio dos arrieiros caracterizado por ter un ritmo lento e monótono.

   3. cantar de berce

      Canto de melodía monótona e ritmo suave, que se emprega para facer durmir os nenos.

   4. cantar de canteiros

      Canto entoado por persoas que traballan nos labores de erguer pedra, que se caracteriza por conter vocabulario da xerga dos canteiros.

   5. cantar de cego

      Canto entoado polos cegos en festas e romarías acompañado por un violín ou por unha zanfona. OBS: Tamén se denomina romance de cego.

   6. cantar de espadelada

      Canto entoado polas mulleres cando espadelan o liño.

Sinónimos

Citas

• Aquel cantar fíxome lembrar con nostalxia a miña mocidade na aldea