edición

1. 1. s

      Impresión ou publicación dunha obra ou escrito.

   2. s [GRÁF ]

      Reprodución dunha obra, por medios manuais ou mediante a imprenta, para a súa difusión.

   3. s [GRÁF/PUBLIC ]

      Conxunto de exemplares dun escrito, impresos nunha mesma tiraxe.

   4. edición abreviada [FILOL ]

      Edición dun texto en que se suprimiron ou resumiron fragmentos considerados non esenciais para a comprensión do mesmo.

   5. edición ampliada/aumentada [FILOL ]

      Edición dunha obra acrecentada con novas materias con respecto á edición anterior.

   6. edición anotada/comentada [FILOL ]

      Edición que inclúe comentarios destinados a esclarecer ou complementar o texto orixinal do autor.

   7. edición autorizada [FILOL ]

      Edición que conta coa autorización expresa do autor ou da persoa que posúe os dereitos editoriais, para diferenciala das edicións clandestinas ou non autorizadas.

   8. edición completa [FILOL ]

      Edición que comprende todas as obras dun autor.

   9. edición crítica/esexética [FILOL ]

      Edición que pretende reconstruír a versión dun texto (literario ou documental) máis próxima ao orixinal do autor (autógrafo ou arquetipo), a partir da análise dos testemuños, manuscritos e impresos que o difundiron.

   10. edición de bibliófilo [FILOL ]

       Edición especial destinada a coleccionistas, impresa en papel de calidade, xeralmente ilustrada, con encadernación coidada, de tiraxe reducida e exemplares numerados e, ás veces, asinados polo autor ou ilustrador.

   11. edición de luxo [FILOL ]

       Edición impresa en papel de calidade, en formato case sempre grande con marxes amplas, ornada con ilustracións e encadernada con suntuosidade.

   12. edición de textos [FILOL ]

       Publicación de textos literarios, xurídicos, científicos, documentais ou doutro tipo, xeralmente antigos, feitos con intención divulgativa ou ben erudita.

   13. edición definitiva [FILOL ]

       Edición dun texto considerado establecido de forma definitiva polo autor.

   14. edición diplomática/paleográfica [FILOL ]

       Edición que reproduce de maneira escrupulosa todas as peculiaridades dun modelo anterior, expresadas por medio de signos convencionais, sen corrixir eventuais erros, e sen introducir puntuación ou trazos inexistentes no texto a editar.

   15. edición dixital [TECNOL ]

       Publicación dun documento en formato papel pero empregando, ata momento da impresión, tecnoloxía dixital.

   16. edición electrónica [INFORM ]

       Proceso que consiste en difundir contidos mediante soportes de información dixitais, como CD-ROM, DVD ou Internet.

   17. edición extra/especial [PUBLIC/IMAX ]

       Edición dun xornal, revista, reportaxe informativa de radio ou televisión dirixida ao público de forma extraordinaria, como consecuencia dun acontecemento inesperado e excepcional.

   18. edición facsímile/facsimilar [FILOL ]

       Edición dun texto reproducido de maneira fotográfica e que conserva xeralmente as medidas do orixinal.

   19. edición moderna/actualizada [FILOL ]

       ersión dun texto antigo destinada a un público non especializado, que moderniza a lingua do orixinal en todos os aspectos –gráfico, fonético, morfosintáctico, semántico e tipográfico– para facilitar a súa lectura.

   20. edición non venal [FILOL ]

       Publicación dunha obra sen finalidade comercial. Regálase, a miúdo, para conmemorar algún evento.

   21. edición orixinal [FILOL ]

       Primeira edición en volume dunha obra que se fai co consentimento ou aprobación do autor.

   22. edición princeps/príncipe [FILOL ]

       Primeira edición dunha obra, en especial a primeira edición dun clásico, dun autor medieval, impresa no s XV ou na primeira metade do s XVI.

2. s f [COMUN ]

   Preparación de materiais visuais e sonoros para compoñer un programa que se poida emitir.

3. s f p ext

   Manifestación cultural, festiva, deportiva ou doutro tipo que ten lugar cunha periodicidade determinada para celebrar algo.

4. contrato de edición [DER ]

   Convenio segundo o que o autor dunha obra subsceptible de propiedade intelectual ou os seus herdeiros, cede os dereitos de reprodución, publicación e comercialización ao editor. Este abónalle a cambio a compensación económica pactada.

Citas

• A editorial publicou a edición das obras completas do autor, Non se chegou a facer nunha a edición musical da súa obra
• Este ano levouse a cabo a terceira edición dos Xogos Florais
• Souberon a nova durante a edición do telexornal