banda

1. f

   Tira de tea que vai desde o ombreiro ata o costado oposto e que atravesa o peito como insignia dalgún cargo ou honra.

2. f

   Calquera fita ou tira feita de diversos materiais que presenta os bordos paralelos e máis longa ca ancha.

3. f

   Bordo elástico que rodea a táboa do billar.

4. f

   Aquilo que se estende sobre un espazo longo e relativamente estreito.

5. f

   Liña ou calquera outro debuxo estreito e longo, en especial sobre tea.

6. f [ANAT ]

   Formación anatómica estreita e alongada.

7. f [ARTE ]

   Moldura arquitectónica longa e estreita.

8. f [BIOL ]

   Zona máis ou menos escura que se observa no sarcómero.

9. f [FÍS ]

   Calquera dos intervalos finitos que están dentro do dominio de valores dunha magnitude física.

10. f [PESCA ]

    Cada unha das dúas pezas da rede que prolongan o funil dunha arte de arrastre de fondo.

11. amplitude de banda [COMUN ]

    Diferenza entre as frecuencias límites, máis alá delas a atenuación aumenta bruscamente ou ben sobrepasa un valor determinado nun elemento selectivo (filtro, circuíto resoante).

12. banda ancha [INFORM ]

    Característica dunha rede de comunicacións de gran capacidade que permite a conexión de varias redes menores nun único cable.

13. banda cromosómica [XEN ]

    Rexión cromosómica definida e de tinción característica que permite identificar os diferentes cromosomas e detectar posibles anomalías estruturais.

14. banda de enerxía [FÍS ]

    Cada un dos intervalos finitos en que se divide o espectro enerxético dun electrón dun sólido cristalino, formados pola agrupación dos niveis de enerxía permitidos.

15. banda de frecuencias [FÍS ]

    Intervalo de frecuencias dun espectro.

16. banda de rodamento [TECNOL ]

    Parte exterior da cuberta do pneumático que está en contacto co chan.

17. banda deseñada

    cómic.

18. banda magnética [FÍS ]

    cinta magnética.

19. banda sonora
    1. [IMAX ]

       Franxa dunha fita cinematográfica reservada ao son (música, ruídos, palabras), que pode estar impresa magnética ou opticamente.

    2. [MÚS/IMAX ]

       Música dunha película.

20. espectro de bandas [FÍS ]

    Espectro de raias moi numerosas, en que algunhas delas se agrupan formando bandas.

Citas

• A banda de aterraxe estivo pechada por mor do mal tempo
• Derramouse a banda da mesa do billar por mor duns desaprensivos que deixaron caer as bebidas
• Levaba un disfrace cunha banda vermella que lle cruzaba o peito, Impuxéronlle a banda que a recoñecía como miss Pontevedra
• Non quixo poñer a camisa de bandas azuis
• Non se puido proxectar a película porque se derramou a banda sonora
• Os taxis levan unha banda azul e branca nas portas dianteiras
• Plantou varias bandas de amorodos