illamento

1. s m

   Acción e efecto de illar ou illarse.

2. s m

   Situación en que se encontra algo ou alguén que está illado.

3. 1. s

      Conxunto de elementos que contribúen a illar.

   2. illamento acústico

      Illamento que se destina a evitar o paso de sons entre ambientes veciños. A propagación diminúe cando se efectúa con materiais de elasticidade diferente como son o aire e a retícula de material esponxoso.

   3. illamento térmico

      Illamento que se destina a frear o paso de calor a través dos peches dun edificio para facilitar a conservación da súa temperatura interior.

4. s m [XEN ]

   Fenómeno que consiste na imposibilidade de hibridación entre dúas poboacións da mesma especie de organismos ocasionada por barreiras de diversa natureza, como obstáculos xeográficos que separen as dúas poboacións, que a maduración sexual sexa en épocas distintas, ou diferenzas de comportamento.

5. s m

   1. Incomunicación entre dous condutores de maneira que non poida haber paso de corrente dun a outro.

   2. Conxunto dos illantes que forman parte dun aparato ou máquina para illar os seus condutores.

   3. Conxunto das propiedades adquiridas por un condutor illante.

6. s m [MED/PAT ]

   Reclusión dun individuo en si mesmo, que conleva unha incomunicación practicamente total cos outros.

7. s m [MED ]

   Acción de illar determinados enfermos durante o período contaxioso da enfermidade para evitar o contaxio.

8. cura de illamento [MED/PAT ]

   Medida terapéutica que consiste en illar o enfermo internándoo nun establecemento adecuado.

9. illamento directo [MICROB ]

   Método que consiste en separar dun inóculo polimicrobiano certas especies bacterianas e deixalas crecer libremente nun medio sólido.

Citas

• O illamento do lugar favorece o mantemento dos seus costumes