constituír

1. v t

   Establecer, formar ou dar existencia a unha institución política, social ou a outra cousa inmaterial.

2. v t

   Ser algo ou alguén un elemento constitutivo ou parte de algo.

3. v t

   Ser algunha cousa aquilo que se indica.

4. v pron

   Converterse algo naquilo que se indica.

5. v pron

   Xuntarse as persoas que conforman un organismo que preside algunha reunión ou algún acto oficial.

Sinónimos

Citas

• A asemblea comezará cando se constitúa a mesa, Esperen mentres se constitúe o tribunal
• A asociaciación constituíuse en cooperativa
• A obra constitúese en tres tomos
• A súa acción constitúe un crime
• Constituíuse un novo consello de administración trala dimisión do presidente
• Os comercios constitúen a asociación máis numerosa da vila, Diferentes órganos constitúen o aparato dixestivo, O rabaño constitúeno centos de reses