barba

1. f

   Extremidade inferior da cara baixo o labio inferior.

2. f

   Pelo que crece na rexión da cara correspondente ao maxilar inferior no home adulto.

3. f [MAR ]

   Nas embarcacións de aparello latino, pequeno cabo co que se liga o carro ao rodamento de proa.

4. f [ANIMAL ]

   Cada un dos filamentos paralelos e dispostos nun mesmo plano a un lado e outro das raques das plumas das aves.

5. f

   Cada un dos filamentos que prolongan o casulo do gran do trigo e doutros cereais.

6. f

   1. Pequena cantidade dunha capa de cor ou de tinta pictórica que sobresae do límite lineal prefixado.

   2. Acumulación de recubrimentos pictóricos formada tras a moldura ou dentro da xunta que queda entre a moldura e a superficie dun retablo se o marco forma conxunto coa táboa.

7. f [TECNOL ]

   Baba que presenta o bordo dunha peza fundida ou cuñada.

8. f [TÉXT ]

   Desfeito producido na preparación e na fiadura do estame.

9. f

   1. Pelo ou apéndice carnoso que teñen algúns animais.

   2. Cada unha das láminas córneas que os cetáceos misticetos teñen implantadas no padal.

10. barbas de raposo [PLANTA ]

    gorga.

Sinónimos

Citas

• A barba da cabra, dun peixe

Refranes

• A barba do home, se o gaña, tamén o come.
• Barba a barba, honra se cata.
• Barba de tres cores, barba de traidores.
• Barba pon mesa e non pema tesa.
• Barba remollada, medio rapada.
• Barba ruiba, vento anuncia.
• Barbas que son parellas non gardan ben as ovellas.
• De tal barba, tal maña.
• Dúas barbas parellas mal gardan ovellas.
• Home barbudo, home forzudo.
• Home de barba roiba, cargue con el quen queira e quen poida.
• O forzudo ten que ser barbudo.
• Para ser forzudo, hai que ser barbudo.
• Se sae con barbas, san Antón e, se non, a Purísima Concepción.
• ¡Deus me garde de home mal barbado e de lobo esfameado!
• ¡Deus te garde do mozo, cando lle apunta o bozo!