convertedor

Máquina ou dispositivo eléctrico destinado a transformar unha corrente eléctrica de determinadas características noutra de calidades diferentes.

Dispositivo destinado a codificar unha información non codificada ou viceversa, ou ben a cambiar unha información codificada noutra de código diferente.

Conxunto formado polo vaporizador e polos reguladores de alta e de baixa presión nos motores de acendido por chispazo.

Aparato empregado no tratamento do ferro e do cobre en estado líquido.

Dispositivo cunha entrada e unha saída que cambia a forma ou as características do fluxo enerxético incidente.

Dispositivo electrónico que forma parte da maioría dos radiorreceptores e que realiza a función de xeración local de oscilacións e as mestura co sinal recollido pola antena, de xeito que se obtén unha frecuencia inferior, denominada intermedia.

Tubo electrónico que converte unha radiación non visible nunha imaxe visible.

Dispositivo que produce unha corrente eléctrica ao facer atravesar un gas ionizado por un campo magnético.

pila termoeléctrica.

Dispositivo produtor de enerxía eléctrica por quentamento dun condutor.