codia

1. s f

   1. Parte externa dura que cobre unha cousa de materia máis branda.

   2. Anaco de pan reseso.

2. s f [BOT ]

   Parte externa da raíz, do talo e das pólas das plantas leñosas, que coincide cos tecidos situados por fóra do cámbium.

3. 1. s

      Capa externa de tecido que recobre determinados órganos.

   2. codia cerebral

      Capa externa do cerebro formada polos corpos celulares das neuronas (substancia gris). Nela intégranse as funcións sensitivas, motoras e de conciencia.

   3. codia suprarrenal

      Parte externa da glándula suprarrenal en que se distinguen a capa glomerular, a fascicular e a reticular.

4. 1. s

      Superficie orixinada pola cimentación dos solos das zonas áridas ou semiáridas, formada principalmente por carbonato e sulfato de calcio.

   2. codia terrestre

      Conxunto de capas exteriores da Terra, cuxa capa superficial é ríxida e relativamente lixeira, e está composta por sílice e aluminio, e na segunda capa, situada a máis profundidade, predomina a sílice e o magnesio. Está separada do manto pola discontinuidade de Mohorovicic.

Sinónimos

Confrontaciones

Citas

• Para comer non tiña máis que unha codia
• Sempre lle quito a codia ao queixo antes de comelo