axencia

1. s f

   Empresa dedicada a xestionar asuntos alleos ou prestar servizos como intermediaria.

2. s f

   Lugar onde está establecida unha empresa dedicada a xestionar asuntos ou prestar servizos.

3. s f

   Oficio ou encargo de axente.

4. s f

   Establecemento secundario dunha empresa.

5. s f [ADM ]

   Contrato polo que unha parte asume o encargo de levar adiante, en nome e por conta doutro e a cambio dunha retribución, a conclusión en exclusiva de contratos nunha zona determinada.

6. axencia de modelos [COMUN ]

   Empresa de servizos que ofrece modelos e actores para anuncios publicitarios ou actos públicos.

7. axencia de prensa [COMUN ]

   Organización que centraliza as informacións periodísticas recollidas polos seus correspondentes nos lugares onde se producen os acontecementos, clasificándoas e transmitíndoas ás empresas subscritas.

8. axencia de publicidade [COMUN ]

   Empresa comercial dedicada a crear, planificar e difundir campañas publicitarias.

9.   [TRANSP ]

   Empresa de servizos dedicada ao traslado de mercadorías dun lugar a outro.

10. axencia de valores [ECON ]

    Compañía que actúa na mediación financeira e noutros servizos que poden formar parte dunha bolsa.

Citas

• Fun a unha axencia inmobiliaria para que me buscasen un piso de aluguer