avaro -ra

Confrontacións

Citas

• De tan avaro que é non dá nin as gracias, A miúdo os avaros morren na miseria moral.

Refráns

• A bulsa do avaro ábrea o diaño.
• A carne no teito e a fame no peito.
• A galiña enriba do ovo e o cutreño enriba do ouro.
• A quen come ben o pan, é pecado darlle o compango.
• Aforra o avaro e non sabe para quen nin para cando.
• Aforrar, aforra o usureiro, mais non sabe a ande irá o seu diñeiro.
• Avarento pobre non hai migalla que lle sobre.
• Avarento rico non coñece parente nin amigo.
• Ben burro é quen burro ten; pero inda é máis burro que, podendo, non o ten.
• Cada un quere leva-la auga ao seu muíño e deixar en seco o do veciño.
• Canto máis se ten, máis se quer.
• Coida O avarento que gasta por un e gasta por un cento.
• Está no medio do río e morre de sede o mesquiño.
• Home avarento por un perde un cento.
• Inda non está morto e xa está esfolado.
• Mans que non dades ¿qué buscades?
• Moitas veces o avaro aforra para o diaño.
• Na arca do avarento, o demo está dentro.
• Na arca do avarento, o diaño dorme dentro.
• Na hucha do avarento anda o diaño dentro.
• Ninguén debe vivir pobre por morrer rico.
• O avarento é o mellor amigo do demo.
• O avarento nin rico nin pobre está contento.
• O avarento pon nos cartos todo o entendemento.
• O avarento sempre está famento e sedento.
• O avarento, onde ten o tesouro, ten o pensamento.
• O avaro garda ben e non sabe para quen.
• O que cae da man, iso para meu irmán.
• O que ten chea a tulla, non ten porque ter carpulla.
• O que vive pobre e morre rico, é ben borrico.
• Pensa o avarento que gasta por un e gasta por cento.
• Quen aforra o pan non quere ben aos fillos.
• Quen ten roupa e darme no chan é un burricán.
• Se o avaro fora sol, a ninguén daba calor.