autoridade

1. s f

   Dereito e poder de rexer ou de dirixir.

2. 1. s

      Poder regular exercido sobre unha ou varias colectividades de forma que reciban unha certa orde de subordinación e superordinación, así como un sistema de dereitos e deberes.

   2. principio de autoridade

      Que admite a necesidade dunha autoridade soberana.

3. s f [DER ]

   Persoa investida de propiedades imperativas.

4. s f

   Coñecemento que alguén ten sobre unha materia ou asunto, polo que a súa opinión prevalece sobre a dos demais.

5. s f

   Persoa que domina unha certa materia ou asunto.

Sinónimos

Confrontacións

Citas

• As autoridades da vila encabezaban o desfile todos os anos
• Enumerou con solemne autoridade os principais puntos nos que se basea a súa teoría
• Os ministros cuestionaron a autoridade do presidente nese asunto
• Seu pai é unha autoridade en astrofísica

Refráns

• Amor e señoría non sofren compañía.
• Cada galo canta no seu galiñeiro / no seu poleiro.
• Cada galo canta no seu galiñeiro; e o que é bo, no seu e no alleo.
• Cada un é pai dos seus fillos.
• Cada un manda na súa casa.
• Cada un manda no seu e fai o que lle peta.
• Coa autoridade e a Inquisición ¡chitón!
• Coa autoridade nunca teñas manualidade.
• Contra un pai nunca hai razón.
• Mandar non quere par.
• Moito pode o moucho no seu souto.
• Na casa en que non hai gatos, campan os ratos.
• Na casa en que non hai gatos, non faltan ratos.
• Non hai besta sen freo nin espora.
• O que a loba fai, o lobo non o desfai.
• Pode máis o moucho no seu souto que no de outro.
• Quen manda, manda; e que n obedece, panda.
• Rei é quen rei non ve.
• Se queres coñecer a Pedriño, dálle un mandiño.
• Unha mestra para moitas abellas e un pastor para moitas ovellas.
• ¡Deus che dea poder na vila e na túa casa fariña!
• ¡Pobre da casa onde a galiña canta e o galo canta!