unir

1. v t

   Formar con dúas cousas ou máis un todo.

2. v t

   Establecer entre dúas ou máis cousas ou persoas unha ligadura material, moral ou legal.

3. v t

   Pór de acordo a alguén ou a algún organismo para que traballen por uns intereses comúns.

4. v pron

   Formaren dúas ou máis cousas un conxunto.

5. v pron

   Establecer calquera tipo de relacións unha persoa ou organismo con outros.

6. v pron

   Pórse de acordo varias persoas ou organismos para traballar por un interese común.

Citas

• Está unido ao equipo por un contrato de tres anos
• Goberno e sindicatos uniron as súas forzas ante a Unión Europea
• O Sil únese co Miño no concello da Peroxa
• Os empregados uníronse nas súas reivindicacións
• Uniron as pezas do crebacabezas e enmarcárono
• Uníronse en matrimonio despois de catro anos de noivado