rexionalismo

Doutrina política e social que favorece, dentro dun mesmo estado, o papel das agrupacións rexionais delimitadas pola xeografía e a historia. En Galicia xurdiu a finais do s XIX, despois de que se reactivase o provincialismo e fracasase o federalismo e a vía armada do carlismo.

Doutrina de política internacional que propugna o establecemento de vínculos particulares entre os estados e as nacións dun mesmo continente, subcontinente ou zona xeopolítica ampla.