oposición

1. s f

   Acción e efecto de opoñer ou de opoñerse.

2. s f

   Antagonismo entre dous elementos.

3. s f

   Disposición dunha cousa fronte a outra.

4. s f [DER ]

   Procedemento de selección de funcionarios que consiste en facer unha serie de exercicios que proben a suficiencia dos aspirantes e os clasifiquen segundo a puntuación obtida.

5. 1. s [FILOS ]

      Relación entre dous conceptos, dous membros ou dous aspectos, en que un é a negación do outro ou ten unha calidade que non se pode dar simultaneamente coas do outro.

   2. s [LING ]

      Relación distintiva que se establece entre os elementos homoxéneos dun sistema lingüístico.

   3. oposición gradual [LING ]

      Oposición fonemática en que o trazo distintivo operante considerado basea a súa facultade diferenciadora nun grao maior ou menor da característica fónica que o constitúe.

   4. oposición significativa [LING ]

      Oposición formada por dous signos da lingua con significados diferentes.

6. s f [POLÍT ]

   Organización ou organizacións que loitan contra os que teñen o poder político para conseguilo por medios pacíficos ou violentos.

7. s f [ASTRON ]

   Situación relativa de dous astros cando están aliñados coa Terra entre os dous. Cando dous astros están en oposición, entre as lonxitudes xeocéntricas de un e do outro hai unha diferenza de 180?, e entre as súas ascensións rectas hai unha diferenza de 12 horas.

Citas

• A oposición das pantallas permite unha visión diferente da obra
• A oposición entre a ficción e a realidade é a característica máis importante desta novela