opinión

1. s f

   Xeito de xulgar ou pensar sobre algo ou alguén.

2. 1. s

      Concepto que se ten dunha cousa cuestionable.

   2. s [FILOS ]

      Tipo de coñecemento entre a ciencia, o coñecemento propiamente verdadeiro, e a ignorancia, que implica un xuízo sobre a aparencia.

   3. opinión pública [SOCIOL ]

      Estado de consciencia colectivo a que chega unha comunidade ante un feito-estímulo determinado, que tamén se interpreta como o estado de consciencia colectiva da comunidade.

   4. opinión teolóxica [RELIX ]

      Doutrina teolóxica que non foi aceptada como dogma nin como artigo de fe e que non corresponde ao maxisterio eclesiástico, aínda que adoita ir ligada a algunha doutrina recoñecida oficialmente.

3. s f

   Concepto que se ten dunha persoa.

Citas

• A boa opinión que tiña del cambiou cando se negou a axudarme
• A túa opinión é tan válida como a miña
• Non teño unha opinión moi clara sobre ese tema

Refráns

• Cada cabeza, a súa sentencia.
• Cada un pensa de si o que eu penso de min e o que ti pensas de ti.
• Cada un ten o seu parecer cando é mester.
• Despois de comer e beber, cada un dá o seu parecer.
• Os homes xulgan mellor as cousas alleas cás súas mesmas.
• Tres mulleres, trinta pareceres.