obreiro -ra

1. adx

   Relativo ou pertencente aos obreiros.

2. 1. s

      Persoa que traballa nun oficio manual en calidade de asalariado.

   2. obreiro especializado/especialista [ECON ]

      Obreiro que executa operacións que non requiren o coñecemento do oficio, pero si un período de prácticas e de adaptación.

   3. obreiro cualificado [ECON ]

      Obreiro que, despois de pasar un período de proba, executa unha tarefa para a que precisa un certificado de aptitude profesional semellante ao que se require para o coñecemento dun oficio.

3. s m [HIST/DER ]

   Persoa que tiña ao seu cargo a administración ou a obra dunha parroquia, unha confraría ou outra institución relixiosa ou benéfica.

Refráns

• O esqueiro na man do obreiro é un bo compañeiro.
• Sol posto, obreiro solto.
• Súa o traballador, para o que non é suador.