marzo

Refráns

• Alá vaias, marzo marceiro, que aquí me quedo cos meus becerros; agora virá teu irmán abril, que non sei se nos deixará vivir.
• Cando marzo recacha o rabo, sabe ben quentarse co tallo.
• Cando marzo retorce o rabo, non deixa ovella nin pastor sano.
• Cóbregas en marzo, neves en abril.
• Dixo o pastor a marzo: Mal trataches o meu gando; alá irás onde non vDlvas máis. E marzo respondeulle: Con tres días que me quedan e tres que me empreste meu irmán abril poreiche as túas ovellas a parir.
• En marzo florecen tódolos campos.
• En marzo queima ben a vella o tallo.
• En marzo, abrigo e pantrigo.
• En marzo, espigarzo.
• Entre marzo e abril sae o cuco do cubil, que coa neve non quere viro
• Espigas en marzo, catro; espigas en abril, mil.
• Marzo amola e abril esfola.
• Marzo é a porta e abril trae a chave, se está posta.
• Marzo é enganador: un día malo e outro peor.
• Marzo gabo, cando non recacha o rabo.
• Marzo louco e abril non pouco.
• Marzo marceador: de noite chove e de día vai sol.
• Marzo marceiro: pola mañán cara de can, e pola tarde falangueiro.
• Marzo marzadas, vento, frío, sol e saraibadas.
• Marzo marzado: cada ovella co seu año.
• Marzo marzán: cara de rosas pola mañán e pola noite cara de can.
• Marzo marzola: trebón e raiola.
• Marzo marzolas: treboadas e raiolas.
• Marzo marzoso: pola mañán cara de porco, polo serán cara de verán.
• Marzo pardo, abril chuvioso e maio ventoso fan o ano fermoso.
• Marzo pardo, pouc"o sol e malo.
• Marzo ventoso e abril chuvioso sacan a maio florido e fermoso.
• Marzo ventoso, abril chuvioso e maio pardo fan fermoso o ano.
• Marzo, espigarzo.
• Marzo, espigas catro; abril, espigas mil.
• Nin marzo con flores nin moza sen amores.
• O aire e o sol de marzo queiman as donas no pazo.
• O sol de marzo queima a dona no pazo.
• O sol de marzo queima as donas no seu pazo.
• Polo san Pedro da Cuadre la sae a cóbrega de debaixo da pedra.
• Se en marzo ou abril o cuco non vén, quere vir a fin.
• Se marzo acabou e o cuco non chegou, algo ao cuco lle pasou.
• Se marzo recacha o rabo, non queda ovella nin año.
• Se marzo retorce o rabo, non queda ovella no monte nin no campo.
• Tardes de marzo, recolle o teu gando.
• Vendima no regazo aquel que poda por marzo.