alza

1. s f

   1. Elemento que serve para alzar ou facer máis alta unha cousa.

   2. Anaco de sola para que o calzado resulte máis alto.

2. s f

   Cuña que se pon xunto á teiroa e sobre o temón, empregada para tentear a abertura do arado.

3. 1. s

      Regreta graduada das armas de fogo portátiles para precisar a puntaría na dirección e darlle á arma o ángulo de tiro para conseguir o alcance necesario.

   2. alza telescópica

      Telescopio paralelo ao canón dunha arma que precisa de puntaría a máis longa distancia ca os aparatos normais.

4. s f [ECON ]

   Aumento do prezo dun ben económico.

5. s f

   Peza que vai colocada debaixo da cheda do carro.

6. s f [GRÁF ]

   Folla que se pon sobre o tímpano da prensa tipográfica nos lugares onde se quere reforzar a presión para alzar o tipo.

7. interx

   Emprégase para que un animal levante as patas e poder ferralo.

Citas

• Colocou unha alza e gañou moita altura
• Cunha alza veranse mellor os obxectos que queres destacar