allo

1. s m [PLANTA ]

   Planta herbácea vivaz, da familia das liliáceas, que ten un bulbo arredondado e comestible, denominado cabeza, composto por numerosas unidades, chamadas dentes.

2. allo bravo [PLANTA ]

   Planta herbácea, da familia das liliáceas, vivaz de bulbo aovado e flores rosadas.

3. allo macho [PLANTA ]

   Allo cultivado que presentan un bulbo sen división en dentes, semellando unha pequena cebola.

4. allo porro [PLANTA ]

   porro.

Frases feitas

• Ser coma un allo. Ser unha persoa esperta e espelida.

• Estar ou andar no allo. Ter co

Refráns

• A bo allo, bo tallo.
• Allo cro e viño novo sempre atopan acomodo.
• Cada día de xaneiro perde un allo o alleiro.
• Cantos días pasen de xaneiro, tantos allos perde o alleiro.
• En xaneiro pon o alleiro.
• O que queira ter bo alleiro semente allos en xaneiro.
• Onde allos hai, cebolas se collen.
• Onde allos hai, viño haberá.
• Os allos en Nadal, nin nados nin por sementar.
• Quen queira ter allo fino, que o poña polo san Martiño.
• Se queres ter bo alleiro, planta os allos en xaneiro.
• Sementa bo allo e terás bo tallo.