enlace

1. s m

   Acción e efecto de enlazar.

2. s m

   Cousa que serve para unir ou relacionar dúas ou máis cousas.

3. s m

   Persoa que se dedica a manter a comunicación e facilitar a coordinación de esforzos entre persoas ou entidades que non teñen contacto directo.

4. s m

   Cerimonia por medio da que dúas persoas contraen matrimonio.

5. s m

   1. Lugar onde empalman os trens.

   2. [CONSTR ]

      Cruzamento de vías deseñado de xeito que se suprimen ou limitan os puntos en que os vehículos que circulan por unha calzada interceptan os que circulan por outra.

6. 1. s

      Interacción entre dous ou máis atómos que ten como resultado a formación dun composto por medio das forzas de Coulomb entre as cargas eléctricas positivas e negativas do núcleo e dos electróns.

   2. enerxía de enlace

      Enerxía que se define como a diferenza entre a enerxía dunha molécula e a dos átomos que a forman.

   3. enlace hidróxeno

      Enlace de feble enerxía, de natureza fundamentalmente electrostática, que está constituído por un átomo de hidróxeno unido covalentemente a un elemento electronegativo. OBS: Tamén se denomina ponte de hidróxeno.

7. s m

   1. Mecanismo que permite que o control pase dun programa a outro.

   2. Medio para conectar os elementos dunha estrutura de datos ou ficheiros, instrucións ou programas.

8. s m [LING ]

   liaison.

Sinónimos

Citas

• Este camiño é o enlace entre as dúas vilas
• No enlace había tantos invitados que non collían na igrexa
• O goberno enviou un enlace para mediar no conflicto