democracia

1. 1. s

      Doutrina política que defende a intervención do pobo no goberno e na elección dos gobernantes.

   2. democracia cristiá

      Conxunto de movementos, partidos políticos e sindicatos que poñen ao servizo da democracia a doutrina dos Evanxeos. A súa ideoloxía combinaba a concepción católica de xustiza social coas ideas liberais sobre a democracia política.

   3. democracia política

      Conxunto lexislativo e constitucional que asegura o libre exercicio das liberdades políticas.

   4. democracia popular

      Réxime político establecido ao final da Segunda Guerra Mundial en diversos estados do leste e do surleste de Europa. Creouse baixo a dirección dos partidos comunistas como unha forma estatal no período de transición do capitalismo ao socialismo e como unha modalidade da ditadura do proletariado.

   5. democracia representativa

      Sistema político en que o pobo exerce a soberanía mediante a elección periódica polo corpo electoral dos órganos representativos.

2. s f

   País cun sistema de goberno democrático.

3. s f

   Sistema de participación de todos os membros dunha organización na toma de decisións.

Citas

• As democracias de Europa Occidental son un modelo para outros países
• Na asociación non hai democracia e faise o que di o presidente

Refráns

• Ben parvo é o que coida que a xente é boba.
• Cando todos che digan que es burro, ornea.
• Voz do pobo, voz de Deus.