curvatura

1. s f

   1. Calidade de curvo.

   2. Forma curva dun corpo.

2. s f [MAT ]

   Límite da razón, nunha curva plana, entre a variación da inclinación da tanxente sobre un arco dado e a lonxitude deste arco ao facelo tender a cero.

3. curvatura de campo [FÍS ]

   Aberración xeométrica que consiste na imposibilidade de conseguir imaxes nítidas sobre unha superficie plana dun obxecto plano e perpendicular ao eixe dun sistema óptico.

4. curvatura do espazo [FÍS ]

   Propiedade xeométrica do espazo-tempo, no marco da relatividade xeral, pola que este se curva por mor da presenza de materia.

5. raio de curvatura [MAT ]

   Raio dunha circunferencia que ten unha curvatura que coincide coa dunha curva nun punto dado. Esta circunferencia recibe o nome de círculo de curvatura ou de círculo osculador.

Citas

• A curvatura da bóveda de canón