conformación

1. s f

   Acción de conformar ou conformarse.

2. s f

   1. Estrutura ou forma dalgunha cousa.

   2. [ANAT ]

      Disposición xeral das partes que forman un corpo organizado ou un órgano.

   3. [QUÍM ]

      Cada unha das disposicións xeométricas dos átomos dunha molécula no espazo, que poden interconverterse por rotación ao redor dun enlace simple que se toma como eixe.

3. s f

   1. Acción que dá aos metais unha forma axeitada, que permite que sexan traballados en forma de pranchas ou barras.

   2. Acción de dar aos plásticos unha forma adecuada para aproveitar a súa capacidade de deformación.

Citas

• A conformación deses lenzos reflicte claramente a época e o estilo no que foron pintados
• Cómprenlle chapeos de talle especial debido á conformación da súa cabeza