concentración

1. s f

   Acción e efecto de concentrar ou concentrarse.

2. s f

   Agrupamento de persoas nun lugar coa finalidade de manifestarse.

3. s f

   1. Proceso mediante o que se incrementa a cantidade dunha substancia que existe nun volume de espazo.

   2. Cantidade dunha substancia nunha unidade de mestura, solución ou mineral que a contén.

4. s f [XEOG ]

   Proporción, en relación co espazo circundante, dun fenómeno determinado e cuantificable rexistrado nun territorio concreto.

5. concentración biolóxica [ECOL ]

   Acumulación nun organismo vivo ou na cadea trófica de concentracións elevadas dun composto químico que está presente no medio dunha concentración relativamente baixa.

6. concentración de capital [ECON ]

   Fenómeno característico do capitalismo que define unha das súas primeiras etapas de desenvolvemento, iniciada na Idade Media.

7. concentración de poderes [POLÍT ]

   Acumulación dos tres poderes (lexislativo, executivo e xudicial) nun poder único, propia de réximes totalitarios.

8. concentración empresarial [ECON ]

   Proceso xurídico a través do que se fusionan as actividades de dúas ou máis empresas, con perda da personalidade xurídica dalgunha delas.

9. concentración escolar [EDUC ]

   Entidade educativa que reúne diversas unidades escolares dispersas co obxectivo de completar a educación obrigatoria.

10. concentración industrial [ECON ]

    Agrupamento nun mesmo establecemento dos diferentes procesos de fabricación.

11. concentración límite/permisible [ECOL ]

    Cantidade máxima dun contaminante que pode tolerar un organismo sen que lle resulte nocivo.

12. concentración migratoria [ECOL ]

    Concentración nunha área concreta de gran variedade de especies migratorias como resultado da confluencia de direccións migratorias distintas.

13. concentración mínima inhibitoria [MICROB ]

    Concentración mínima de antibiótico necesaria para frear o crecemento dun cultivo bacteriano.

14. concentración parcelaria [XEOG ]

    Instrumento de reforma agraria técnica, consistente en agrupar no menor número posible de parcelas todas as propiedades rústicas que posúe un propietario nun territorio concreto.

Antónimos

Citas

• A concentración de tantos cartos nunha soa conta puxo en alerta á policía xudicial
• A concentración dos traballadores rematou de forma violenta
• Para realizar ben este traballo é necesario un alto grao de concentración
• Produciuse unha concentración de forzas na capital fieis ao presidente