cinta

1. 1. s

      Tira de tecido longa e estreita que se emprega para adornar, atar ou prender algo.

   2. s

      Tira longa e estreita de diferentes materiais.

   3. s

      Banda tinguida que en certas máquinas marca o relevo dos tipos enriba do papel por medio de presión.

   4. s [BÉL ]

      Dispositivo ríxido ou articulado en forma de tira que permite a unión dos cartuchos e facilita a alimentación de certas metralladoras.

   5. s [IMAX ]

      Película fotográfica ou cinematográfica.

   6. cinta adhesiva [IND ]

      Tira de papel, pano ou plástico que contén, sobre unha cara, unha capa dunha substancia adhesiva non solidificada.

   7. cinta de vídeo [TECNOL ]

      Cinta magnética, de medidas normalizadas, para rexistrar imaxes e son.

   8. cinta illante [TECNOL ]

      Cinta téxtil ou plástica impregnada dun adhesivo por unha das súas caras que se emprega para protexer as unións dos condutores eléctricos.

   9. cinta magnética / [FÍS/TECNOL ]

      Cinta empregada nos sistemas de gravación magnética de información que constitúe o soporte onde se fixa esta información.

   10. cinta métrica [METROL ]

       Tira de aceiro ou de tecido dividida en m, dm, cm e mm que serve para medir lonxitudes.

   11. cinta perforada [TECNOL ]

       Cinta de papel resistente que, como soporte de información, se empregou en telecomunicacións.

   12. cinta transportadora [TECNOL ]

       Dispositivo formado por unha tira continua de metal ou plástico que serve para trasladar mercadorías ou persoas.

2. 1. s

      Estrutura anatómica longa e aplanada, especialmente a de natureza nerviosa.

   2. cinta óptica

      Cada unha das dúas cintas, situadas unha a cada lado da base do cerebro, constituídas polas fibras nerviosas ópticas na saída da quiasma.

3. s f [ARQUIT ]

   Faixa decorativa longa e estreita.

4. s f

   Pezas que sosteñen o conduto do muíño que leva o gran desde a moega á moa.

5. s f [PROTISTA ]

   Alga do xénero Chorda.

Sinónimos