centro

1. 1. s

      Punto en que se cortan os eixes de simetría dun corpo ou figura xeométrica.

   2. centro de curvatura [FÍS ]

      Punto en que concorren as normais á traxectoria dun punto material móbil que corresponden a dous instantes de tempo moi próximos.

   3. centro de forzas [FÍS ]

      Punto ao que se dirixen as forzas dun campo central.

   4. centro de gravidade [FÍS ]

      Punto dun corpo en que se pode considerar que está concentrado o seu peso.

2. 1. s

      Zona dunha poboación onde se concentra a máxima actividade.

   2. centro comercial

      Sector planificado e edificado, no contorno de galerías comerciais, que dispón dun certo número de locais de servizos.

   3. centro histórico

      Parte dunha cidade que constitúe o núcleo urbano anterior ás expansións urbanas iniciadas na segunda metade do s XIX.

   4. centro urbano

      Área do interior dunha cidade.

3. 1. s

      Lugar en que se concentra ou desde o que se dirixe unha determinada actividade.

   2. s [ZOOL/FISIOL ]

      Estrutura anatómica que dirixe ou coordina determinadas funcións, especialmente nerviosas.

   3. centro activo [BIOQ ]

      Rexión do encima ao que se une o substrato e que é responsable da súa transformación catalítica.

   4. centro cardiovascular / [ZOOL/FISIOL ]

      Área do cerebro que controla as constantes do sistema cardiovascular e que inflúe na frecuencia cardíaca.

   5. centro vasomotor / [ZOOL/FISIOL ]

      Parte do bulbo raquídeo que regula a presión sanguínea.

   6. centro ventilatorio / [ZOOL/FISIOL ]

      Grupo de neuronas situadas no bulbo raquídeo que controlan o proceso de ventilación.

4. s m

   Persoa ou cousa que atrae a atención ou o interese dos circunstantes.

5. s m

   Establecemento ou institución onde se desenvolve algún tipo de actividade.

6. s m [POLÍT ]

   Partido que, no conxunto das tendencias políticas, se sitúa nunha posición intermedia entre a dereita e a esquerda.

7. centro coloreado [QUÍM ]

   Defecto puntual dun cristal transparente que produce coloración do cristal.

8. centro de acción

   1. Cada un dos grandes núcleos de presión superior ou inferior á normal dun mapa meteorolóxico, que se obtén facendo as medias dos mapas diúrnos durante períodos de cinco días nunha semana.

   2. Célula ciclónica ou anticiclónica que ten estreita relación coa circulación das capas altas da atmosfera e que presenta un carácter case permanente.

9. centro de asimetría [QUÍM ]

   Designación habitual do átomo de carbono asimétrico dunha molécula.

10. centro de atracción [FÍS ]

    Punto ao que se dirixe a forza exercida sobre unha partícula.

11. centro de desprazamento [FÍS ]

    Centro de gravidade do fluído desprazado por un sólido que está somerxido nel total ou parcialmente.

12. centro de masa/ inercia [FÍS ]

    Punto dun sistema de masas en que se se concentrase nel toda a masa do sistema, o movemento deste reduciríase ao movemento dunha partícula.

13. centro de mesa

    Recipiente artístico, adecuado para colocar nel calquera tipo de adorno, que se coloca nunha mesa.

14. centro de oscilación [FÍS ]

    Punto dun péndulo físico onde tería que concentrarse toda a masa para constituír un péndulo simple que oscilase co mesmo período que o péndulo físico en cuestión.

15. centro de presións [FÍS ]

    Punto por onde pasa a resultante das presións que actúan sobre unha superficie.

16. centro de simetría [FÍS ]

    Punto tal que calquera recta que o atravesa, pasa por puntos equidistantes do centro a ambos os dous lados.

Sinónimos

Confrontacións

Citas

• A política interna é o centro do problema actual, O centro da súa exposición xira arredor da seguiridade laboral
• As discrepancias cos seus fillos son o centro das súas preocupacións
• Colocouse no centro da fila para subir ao autobús
• O centro cívico estaba ateigado de xente para a representación, Crearon un novo centro de educación o ano pasado
• O centro da Terra soporta temperaturas moi elevadas, As troitas atópanse no centro da corrente do río, Colocou a bandexa no centro da mesa
• O novo edificio está situado no actual centro de negocios da cidade
• Os centros galegos son organismos que difunden a cultura galega no mundo
• Os partidos da dereita tentan un achegamento ao centro
• Sempre que hai unha reunión da empresa el é o centro de todas as miradas, Os cervos convertéronse no centro da visita ao zoo
• Vigo e A Coruña son dous centros pesqueiros moi importantes