bomba

1. 1. Artefacto de ferro ou doutro material resistente, de forma xeralmente esférica ou cilíndrica, cheo de pólvora ou doutro explosivo e provisto de mecha ou espoleta.

   2. bomba atómica/nuclear

      Bomba cargada de materiais susceptibles de liberar dun xeito incontrolado a enerxía de fisión ou de fusión de determinados núcleos atómicos.

   3. bomba bacteriolóxica

      Bomba cargada de microorganismos patóxenos susceptibles de ser espallados ao rebentar a carcasa do artefacto.

   4. bomba de napalm

      Bomba incendiaria que contén unha substancia inflamable composta de gasolina e xabóns de aluminio que transforma o combustible nunha xelatina denominada napalm.

   5. bomba de neutróns/neutrónica

      Bomba de hidróxeno en que os compoñentes están dispostos de xeito que a penetración da radiación neutrónica é maior ca a producida pola explosión nuclear común.

   6. bomba química

      Bomba cargada dun produto químico de acción diversa que se dispón en forma de aerosol ou vapor ao estoupar o artefacto mediante a acción dunha carga explosiva auxiliar.

   7. bomba termonuclear

      Bomba nuclear baseada na fusión de núcleos atómicos.

2. 1. Artefacto ou material explosivo que se lanza ou se coloca coa man.

   2. bomba de palenque

      Foguete de gran tamaño e potencia moi empregado nas festas.

   3. bomba de reloxaría

      Artefacto explosivo axuntado a un mecanismo de reloxaría que determina o momento da súa explosión.

   4. bomba lacrimóxena

      Artefacto que, ao estoupar, libera gases lacrimóxenos.

3. f col

   Noticia inesperada e explosiva que causa unha gran sorpresa.

4. bomba volcánica [XEOL ]

   Fragmento arredondado de lava que sae expelido durante unha erupción volcánica.

Confrontacións

Citas

• As bombas lanzadas desde os avións causaron graves danos entre a poboación
• Nas festas da miña aldea, en Coiro, botan moitas bombas
• Non esperabamos aquela decisión tan drástica, foi unha bomba para toda a familia