axuste

< xusto

Plural: axustes

s m Acción ou efecto de axustar ou de axustarse.
s m MAT Operación estatística que consiste en atopar a lei que resume, do mellor modo posible, a variación dunha variable aleatoria Y en función doutra variable X, da que depende.
s m PSIC Tipo de reacción pola que un suxeito fai desaparecer o estímulo que motivou a situación de desequilibrio entre el e o ambiente. Nun sentido amplo emprégase como sinónimo de adaptación.
s m TECNOL Efecto que resulta da operación de axustar dúas pezas entre elas e que depende da súa diferenza de dimensións.
s m TECNOL Conxunto de operacións que realiza o axustado, que poden ser clasificadas en operacións de trazado, desbaste, modelado, acabado, medida e verificación.
axuste estrutural ECON Política económica de reformas dos desequilibrios dunha economía.
teoría dos axustes automáticos ECON Teoría pola que calquera perturbación que desequilibre o sistema económico provoca unha reacción automática no mesmo sistema, que o leva a unha situación na que novamente tende ao equilibrio.

Citas

Chegaron a un axuste cos salarios, A garrafa de viño está vertendo polo mal axuste do tapón

axustado -da axustador -ra axustar axuste axustizamento axustizar ayacucho*