analoxía

< lat analogĭa gr ἀ ναλογία ‘proporción, semellanza’

Plural: analoxías

s f Relación entre dúas ou máis cousas que teñen algo en común.
s f ARQUEOL Semellanza entre diferentes culturas baseadas nunha evolución converxente e independente.
s f BIOL Semellanza funcional entre órganos de estrutura e de orixe filoxenética distintas.
s f DER Método de aplicación da lei por medio da que unha norma que regula un caso determinado se fai extensiva a casos non previstos pero análogos ou semellantes con identidade de razón.
s f FILOS Correlación entre cada un dos termos de dúas ou máis ordes.
s f FÍS Similitude entre o número e a forma das ecuacións diferenciais de dous sistemas físicos.
s f LING Proceso histórico que fai que certas palabras pasen dun paradigma a outro xeralmente máis regular.
analoxía etnolóxica ARQUEOL Transposición ao pasado da observación das culturas actuais co fin de comprender as relacións de comportamento que subxacen á produción do rexistro arqueolóxico.

Citas

analizador -ra analizar análogo -ga analoxía analóxico -ca analoxismo analoxista