conmutación

< lat commūtātĭōne
Plural: conmutacións
  1. s f Acción e efecto de conmutar.
  2. s f TECNOL Operación que consiste en establecer as conexións individuais entre as vías de transmisión ou os circuítos de comunicación entrantes e saíntes, co fin de establecer a comunicación desexada entre dous puntos.
  3. s f DER Indulto parcial que altera a natureza do castigo a prol do reo.
  4. s f FÍS
    1. Modificación da configuración dun ou de diversos circuítos eléctricos mediante o establecemento ou a supresión de determinadas conexións.
    2. Conxunto de fenómenos que teñen lugar no inducido dunha máquina eléctrica, producidos pola inversión do sentido da corrente que produce unha forza electromotriz inducida, chamada tensión de reactancia, que orixina efectos prexudiciais.
  5. s f LIT Figura retórica que consiste na inversión dos termos dunha proposición noutra inmediata, de maneira que esta forma contrasta coa precedente.

Palabras veciñas