círculo

< lat circŭlu ‘círculo’
Plural: círculos
  1. MAT
    1. s m Conxunto de todos os puntos dun plano que cumpren que a distancia a un punto fixo é igual a un segmento dado, denominado raio.
    2. círculo goniométrico Circunferencia de raio unidade en que o centro é a orixe dun sistema de coordenadas cartesianas. Emprégase para definir as razóns trigonométricas dun ángulo.
    3. círculo de curvatura/osculador Círculo en que o seu centro e o seu raio son o centro e o raio de curvatura dunha curva nun punto dado.
    4. cuadratura do círculo Determinación da superficie dun cadrado que equivale á dun círculo dado.
  2. s m Liña curvada en forma de circunferencia ou aproximada a unha circunferencia.
  3. s m Grupo de persoas que comparten unha determinada actividade ou afección.
  4. s m pl Conxunto das persoas ou das cousas que forman o ambiente ou co que se ten unha ligazón.
  5. s m
    1. Asociación de carácter cultural, recreativo ou deportivo sen ánimo de lucro.
    2. círculo de obras católicas POLÍT Agrupación confesional de traballadores do s XIX que procuraba atender as necesidades relacionadas cos seguros mutuos, a instrución, e a cooperación, ademais da formación relixiosa, dirixida por un crego consiliario.
  6. METROL
    1. círculo acimutal Aparato que se usa a bordo dunha embarcación para calcular a marcación doutro barco, dun punto da costa ou o acimut dun astro.
    2. círculo de reflexión Instrumento astronómico e náutico que se usa para observar as alturas dos astros e para medir ángulos horizontais e verticais.
    3. círculo meridiano Telescopio adaptado para medir a posición e a hora de paso das estrelas polo meridiano, que consiste nunha lente que se move no plano do meridiano do observador.
    4. círculo mural Instrumento que se usaba antigamente para medir a declinación das estrelas e que consistía nunha lente que podía xirar ao redor dun eixe horizontal fixado moi solidamente nunha parede vertical.
  7. círculo circuncenital METEOR Fenómeno de halo que consiste nun círculo de 4° ata 30° de raio, que ten o seu centro no cénit.
  8. círculo de razas BIOL Conxunto de subespecies ou de razas que forman unha especie politípica.
  9. círculo de vexetación XEOL/BOT Unidade superior da sistematización fitosociolóxica que inclúe a totalidade de unidades inferiores que viven nunha rexión bioxeográfica determinada.
  10. círculo lítico PREHIST Construción megalítica que está formada pola disposición en círculos de pedrafitas ou menhires.
  11. círculo máxico Círculo debuxado na terra, en cuxo centro se coloca o mago para invocar e conxurar os espíritos.
  12. círculo polar XEOG Paralelo terrestre situado a 23° 28’ do Polo Norte (Círculo Polar Ártico) e do Polo Sur (Círculo Polar Antártico), é dicir, a unha latitude de 66° 32’ N e S.
  13. círculo vicioso
    1. Razoamento ou definición co que se tenta explicar dúas cousas reciprocamente, unha por outra.
    2. p ext Situación que non se pode resolver xa que existen dúas circunstancias que son á vez causa e efecto unha da outra.

Sinónimos

Citas

  • As pedras estaban dispostas en círculo
  • É moi difícil conseguir información se non pertenceces a determinados círculos
  • Goza dunha gran reputación entre o círculo de literatos
  • O avión fixo un círculo ao redor do estadio

Palabras veciñas