cantidade

< lat quantĭtās -ātis
Plural: cantidades
  1. s f
    1. Medida ou número de unidades polo que se determina un conxunto de cousas da mesma clase.
    2. FILOS Propiedade das cousas que fai que sexan medibles.
  2. s f Suma de diñeiro máis ou menos importante.
  3. s f LING Duración dun son consonántico ou vocálico, dun ditongo ou dunha sílaba.
  4. s f FILOS Extensión, en lóxica, dos termos dunha proposición e da proposición en si mesma.
  5. s f MAT Calquera expresión aritmética, alxébrica ou analítica á que se lle atribúe un valor.
  6. FÍS
    1. cantidade de calor Enerxía térmica que absorbe ou cede un corpo ao elevarse ou diminuír, respectivamente, a súa temperatura.
    2. cantidade de materia Magnitude física proporcional ao número de entidades elementais que forman a materia do sistema considerado. A unidade SI de cantidade de materia é o mol.
    3. cantidade de movemento ector p definido por p =m v , onde v é a velocidade dun punto material e m a masa dese punto. OBS: Tamén se denomina momento lineal do punto.

Citas

  • Había cantidade de xente na romaría
  • Se prefire pagar a prazos, ten que pagar unha pequena cantidade mensual
  • Temos que calcular a cantidade de semente que precisamos para botar a veiga enteira, Pediulle unha cantidade de libros superior á que vendeu

Refráns

  • Bens, os que vexas; e casa, na que caibas.
  • Casa onde caibas, diñeiro sen conto, terras que non saibas.
  • Casas, cantas vivas; terras cantas che dían.
  • Do moito, pouco; e do pouco, nada.
  • Do pouco vaise facendo o moito, pouco a pouco.
  • Do pouco, pouco; e do moito, nada.
  • Galgo que moitas lebres levanta, algunha mata.
  • Máis caga un boi que cen andoriñas.
  • Máis come un boi que cen andoriñas.
  • Máis vale pouco e bo, que moito e malo.
  • Máis vale unha de varón ca un cento de gorrión.
  • Máis valen poucos moitos que moitos poucos.
  • Mentres máis somos máis valemos.
  • Non hai pouco que non baste nin moito que non se gaste.
  • Non haí pouco que non chegue nin moito que non se acabe.
  • Nosos país a pulgadas e nós a brazadas.
  • O pouco agrada e o moito enfada.
  • O pouco nunca deu moito.
  • Pan, con fartura; e viño, con mesura.
  • Papas, ata a porta; coles, ata a horta; e fabas, para todo o ano.
  • Por unha presa de fariña, que as papas non queden moles.
  • Quen ten pouco, con media cazola ten de abondo.
  • Tanto é o máis coma o menos.
  • Tanto ten o máis como ten o menos.
  • Tódolos anos choveu o mesmo, canado máis, canado menos.
  • Tres poucos que valen máis que moitos moitos: pouco sol, pouca cea e pouca pena.
  • Un so demo non fai inferno.

Palabras veciñas