"cali" (Contén)

Tipo de distribución segundo a que certos electróns están en orbitais moleculares que resultan da combinación de orbitais atómicos provenientes de tres átomos ou máis.

Sistema de orientación de certos animais que consiste na emisión de ondas ultrasonoras que, ao seren reflectidas pola superficie de obxectos presentes no medio, son captadas polo mesmo animal emisor, que é capaz de interpretalas e de orientarse.

Moeda de prata cuñada polos Habsburgo nos Países Baixos e en Borgoña.

Escaleira exterior de chanzos dispostos nun só tramo, construída na fachada ou no vestíbulo dun edificio e que serve de acceso ao mesmo.

Lugar no que predomina o eucalipto.

Árbore perennifolia do xénero Eucalyptus, da familia das mirtáceas, que presenta filodios coriáceos longos e estreitos, con forma de fouciño e dispostos de xeito oposto, con flores hermafroditas e actinomorfas. Consomen un gran volume de auga, ao ser unha especie de crecemento rápido cuns altos valores de evapotranspiración. Da árbore obtense leña de alto poder calorífico, pasta celulósica, suxeición de noiros, elaboración de taboleiros de fibras e madeira para a fabricación de bateas.

Aceite que se obtén das follas de distintas especies do xénero Eucalyptus. Ten unha forte acción local como anestésico e antiséptico, e emprégase en bafos como expectorante.

Calina sintetizada nos cotiledóns que estimula o medre do mesofilo das follas.