responsabilidade

1. 1. s

      Calidade da persoa que cumpre coas súas obrigas.

   2. s responsabilidade colectiva s f [HIST ]

      Responsabilidade considerada, en diversos pobos e relixións históricas, como característica propia e exclusiva da colectividade, de xeito que as faltas cometidas por unha xeración son imputables ás posteriores e poden ser castigadas en calquera dos seus membros ou no mesmo grupo como conxunto.

2. 1. s [DER ]

      Capacidade que ten todo suxeito activo de dereito de coñecer e de aceptar as consecuencias dun acto propio consciente e libre.

   2. responsabilidade xurídica [DER ]

      Obriga que se ten de responder dos danos ou prexuízos causados.

   3. responsabilidade ministerial / [DER/POLÍT ]

      Capacidade que, en réximes democráticos, teñen as cámaras lexislativas de esixirlles aos membros do poder executivo a responsabilidade dos seus actos.

3. s f

   Situación de alguén que está ao cargo ou baixo as ordes de algo ou alguén.

4. s f

   Obriga moral de render contas por algo.

Refranes

• Antes teñas que dicir, que che teñan que dicir.
• Ben sabe o burro onde omea.
• Cousa feita feita está.
• Do coiro che han de saír as correas, inda que ti non o creas.
• O que enredou a meada, que saiba desenredala.
• Quen coma as maduras, que roia as duras.
• Quen queira nabos, vaia arrincalos.