pascua

1. s f [RELIX ]

   Festa xudía que se celebra en conmemoración da liberación de Exipto, unida á festa dos ácimos, que se prolonga durante sete días.

2. s f [RELIX ]

   Festa en conmemoración do nacemento de Cristo, da chegada do Espírito Santo ou da adoración dos Reis Magos.

3. s f pl

   Período de tempo que vai desde o 25 de decembro ata o 6 de xaneiro.

4. pascua de resurrección [RELIX ]

   Festa cristiá, que se corresponde á pascua xudía, en que se conmemora a morte e resurrección de Cristo, cuxa data pode variar entre o 22 de marzo e o 25 de abril. OBS: Adoita escribirse en maiúscula.

Citas

• Aínda non lle levei as pascuas ao meu afillado

Frases hechas

• Alegre/contento coma unhas pascuas. Moi contento.

• De pascuas en flores/en ramos. De cando en vez.

• Facerlle a un as pascuas. Enfastiar.

Refranes

• A Pascua onde quixeres, o Antroido onda as mulleres.
• Altas ou baixas, en abril son as Pascuas.
• Despois de cantar ¡aleluia!, o que teña fame que a sacuda.
• Despois de que toquen a aleluia, o que teña fame que a sacuda.
• Pascua marzal, ano de mortandá.
• Pascua marzal, fame, guerra ou mortandá.
• Pascua marzal, ou para moito ben ou para moito mal.
• Pascuas en marzo, ou fame ou mortazo.
• Pascuas enxoitas, nin poucas nin moitas.
• Pascuas marzais., ou famentas ou mortais.
• Pascuas marzales, fames ou mortandades.
• Pascuas molladas, moitas dobradas.
• Pascuas molladas, que veñan dobradas.
• Pola Pascua de Resurrección tres cousas non teñen sazón: sardiñas salgadas, castañas asadas e predicación.
• Tal teñas a Pascua, cal teñas a casa.