paixón

1. s f

   1. Expresión emotiva moi forte e de grande intensidade que perturba o ánimo e a razón.

   2. [RELIX ]

      Sufrimento de Xesús antes de morrer.

   3. [RELIX ]

      Parte dos evanxeos onde se narran os últimos días da vida de Xesús Cristo.

   4. [MÚS ]

      Composición musical sobre a narración evanxélica dos últimos días de Xesús Cristo, que se practicou cantada en canto plano e dedicada ao culto na Idade Media.

2. s f
   1. [FILOS ]

      Categoría aristotélica, contraposta á acción, que expresa o estado dun ente afectado pola acción doutro.

   2. [PSIC/FILOS ]

      Afección ou modificación do suxeito psíquico que se caracteriza por tal polarización da afectividade nun único sentimento que deixa debilitadas ou anuladas a capacidade de xuízo e a vontade.

   3. [PSIC ]

      Emoción ou sentimento moi forte.

   4. [PSIC ]

      Tendencia ou emoción sexual intensa, fortemente arraigada.

3. s f [RELIX ]

   Celebración litúrxica conmemorativa da Paixón e Morte de Xesús Cristo durante a Semana Santa, inaugurada o domingo de ramos ou da paixón do Señor, e que culmina o Venres Santo, día da Paixón e Morte do Señor.

Refranes

• A moita paixón non agarda razón.
• As túas festas, rapaz, non che me son nada boas; porque, cando ti mas fas, todo o corpo me afervoas.
• Home apaixonado non quere ser aconsellado.