absorción

1. s f

   Acción de absorber.

2. s f [QUÍM/FÍS ]

   Penetración dunha substancia no seo doutra con formación dunha solución, dun complexo de inclusión ou dunha verdadeira combinación química.

3. s f

   1. Función propia dos organismos vivos que consiste na penetración ao medio interno de substancias procedentes do medio externo. 2 Incorporación, a través dos pelos absorbentes, de auga con elementos nutritivos minerais disoltos.

4. s f [ECON ]

   Fusión de empresas na que a dominante fai desaparecer a personalidade xurídica independente das outras.

5. absorción acústica [FÍS ]

   Perda de enerxía das ondas sonoras cando atravesan un medio ou se dispersan ao incidir sobre a superficie de separación de dous medios.

6. absorción das radiacións [FÍS ]

   Perda de intensidade dun feixe de radiacións ou partículas, producida ao atravesar un medio absorbente.

7. absorción de calor [FÍS ]

   Intercambio de calor e de traballo entre dous sistemas.

8. absorción iónica [FÍS ]

   Perda de enerxía experimentada polas ondas hertzianas a causa do choque cos ións da atmosfera.

9. axente de absorción [QUÍM/IND ]

   Substancia absorbente das radiacións ultravioletas que, ao ser engadida a un produto, o protexe desas radiacións e evita a súa degradación fotoquímica.

10. coeficiente de absorción [FÍS ]

    Magnitude característica dun medio para unha frecuencia ou enerxía da radiación que lle incide.

11. liña de absorción [FÍS ]

    Raia escura dun espectro de absorción.

Sinónimos

Citas

• A absorción de todas as funcións nunha soa persoa trae como consecuencia a insatisfacción dos demais