martelo

Ferramenta formada por unha peza xeralmente metálica, que é a que bate, unida a un mango delgado e longo, que se emprega en certos oficios para dar golpes.

Peza do mecanismo de certas armas de fogo que golpea sobre o percusor para provocar a explosión.

Bóla de ferro unida a unha corda de aceiro que se emprega para facer lanzamentos nunha disciplina atlética.

Peza que bate na campaíña dun reloxo para dar as horas.

Óso do oído medio que transmite a vibración do tímpano á bigornia.

Martelo en que á enerxía de baixada da masa móbil se suma a transmitida por unha bésta, previamente deformada pola subida anterior da masa móbil.

Máquina perforadora que utiliza o aire comprimido como enerxía motriz.