familia

1. s f

   1. Unidade social formada por un conxunto de individuos vinculados por relacións de matrimonio, parentesco ou afinidade, que conviven e organizan colectivamente a vida cotiá ou parte dela.

   2. Conxunto de persoas descendentes dunha mesma liñaxe.

2. s f

   Conxunto dos fillos dunha parella.

3. s f p ext

   Conxunto de cousas que teñen unha orixe e características comúns que fan que se perciban como parte dun grupo.

4. 1. s

      Conxunto de curvas ou superficies que teñen a mesma ecuación diferencial.

   2. familia de conxuntos

      Colección de conxuntos que teñen unha característica común.

5. s f [BIOL ]

   Categoría taxonómica situada entre o xénero e a orde que comprende un conxunto de xéneros relacionados filoxeneticamente.

6. familia de ciclóns [METEOR ]

   Secuencia de ciclóns, que se produce na fronte polar entre dúas invasións de aire nas baixas latitudes.

7. familia léxica/de palabras [LING ]

   Conxunto de palabras que comparten un núcleo de significado léxico común, manifestado a través dunha mesma raíz.

8. familia lingüística [LING ]

   Conxunto de linguas que comparten unha orixe común e que se agrupan baixo un mesmo phylum (macrofamilia).

9. familia matrimonial [DER ]

   Familia constituída a partir do matrimonio contraído segundo as disposicións legais.

10. familia relixiosa [RELIX ]

    Conxunto dos membros dunha comunidade, orde ou congregación.

11. familia xénica [XEN ]

    Conxunto de xenes que teñen localización cromosómica distinta, pero que son idénticos ou moi semellantes en canto á súa secuencia de bases, e que proveñen da duplicación dun xene ancestral.

Citas

• A gran familia do circo chegou á cidade con todos os animais
• É dunha familia nobre
• Levan cinco anos casados e aínda non teñen familia

Frases hechas

• En familia. Con xente de confianza.

Refranes

• Alá me leve Deus, ande ache dos meus.
• Ó parente, axudalo.
• O que dos seus desespera, dos alleos mal lle veña.
• Quen aos seus non agarima, a ninguén agarimo pida.