excesivo -va

Refranes

• A besta leva ben a carga, mais non a sobrecarga.
• A cera sobexa queima a igrexa.
• A mala costureira pon o fío de vara e media.
• A moita seca trae ás veces a moita mollada.
• As veces o labrador, por moito estercar, non lle vai mellor.
• Auga enriba de auga nin cura nin lava.
• Mata a sobrecarga pero non mata a carga.
• Non se ha de espremer tanto a laranxa, que amargue o zume.
• Non sexa tanta a cera que prenda lume.
• Non sexa tanto o turrar, que rompa a corda.
• O burro que moito carga, logo rompe o aparello.
• O moito comer trae o pouco comer.
• O que moito corre, logo para.
• Ó que moito se agacha véselle o que por sabido se cala.
• Ola que moito ferve, sazón perde.
• Para auga enriba de auga non hai coroza nin capa.
• Quen máis mira, menos ve.
• Quen todo o nega, todo o confesa.
• Tan malo é pecar por carta de máis como por carta de menos.
• Tanto lles quere o demo aos fillos que lles arrinca os ollos.
• Tanto quixo a vella fiar, que non se puido levantar.