especie

1. s f

   Cada un dos grupos que resultan de repartir os elementos dun conxunto reunindo aqueles que teñen características comúns.

2. 1. s

      Unidade taxonómica (taxon) fundamental no estudo da diversidade dos seres vivos (sistemática) e base da súa clasificación (taxonomía). O criterio xenético para distinguir dúas especies diferentes baséase na esterilidade entre eles ou na dos híbridos resultantes do seu cruzamento. Concrétase cada especie por medio dunha descrición que se publica e que corresponde a un exemplar conservado que vai constituír o tipus; a este dáselle un nome segundo a nomenclatura binaria proposta por Linné.

   2. especie cultivada

      exetal cun proceso de evolución en que influíron os seres humanos para satisfacer as súas propias necesidades.

   3. especie domesticada

      Animal cun proceso de evolución en que influíron os seres humanos para satisfacer as súas propias necesidades.

   4. especie en perigo de extinción

      Especie que conta con poucos individuos e que sofre algúns factores que a fan propensa a desaparecer.

   5. especie endémica

      Especie cun rango de distribución xeográfica reducido en comparación con especies semellantes.

   6. especie introducida/exótica

      Especie allea a un determinado país ou rexión xeográfica, que no seu lugar de orixe foi silvestre ou doméstica e que na nova área mantense en estado de cativerio ou semicativerio.

   7. especie nativa

      Especie que, de xeito natural, sen intervención humana coñecida, está presente nun territorio.

3. s f [FILOS ]

   Imaxe mental da aparencia sensible das cousas.

4. s f [RELIX ]

   Aparencia do pan e do viño na eucaristía.

5. especie mineral [XEOL ]

   Unidade básica da mineraloxía sistemática, natural e homoxénea, de orixe inorgánica que ten propiedades físicas características; a súa composición química está definida dentro duns certos límites e ten normalmente estrutura cristalina.

6. especie química [QUÍM ]

   Conxunto de corpos que, malia ter a mesma composición química, se diferencian entre eles polo feito de presentar isomería.

Frases hechas

• En especie. Que se paga con mercador

• Unha especie de. Unha cousa parecida a outra coa que se compara. Ex: Esta torta