curva

1. s

   1. Liña curva.

   2. Anaco curvo que presenta algo que ten unha estrutura lineal.

   3. Forma máis ou menos redondeada que presenta o corpo dunha muller.

2. 1. s

      Representación gráfica mediante unha liña da variación dunha magnitude respecto a outra ou da evolución dun determinado fenómeno.

   2. s [MAT ]

      Conxunto de puntos cunhas coordenadas, respecto a un sistema de referencia dado, que se poden expresar como funcións continuas dun só parámetro.

   3. curva característica [TECNOL ]

      Curva que representa a relación entre dúas ou máis magnitudes referidas ao funcionamento dun elemento, compoñente, transdutor ou dispositivo electrónico.

   4. curva clinográfica [XEOG ]

      Representación esquemática que, mediante unha liña que une determinados puntos no plano, representa o valor medio das pendentes nos diferentes puntos dunha rexión xeográfica, en función das alturas correspondentes.

   5. curva de Barcroft [BIOQ ]

      Representación gráfica da concentración de osíxeno da hemoglobina respecto á presión parcial de osíxeno en sangue.

   6. curva de crecemento [BIOL ]

      Representación gráfica da variación do número de células ou de individuos dunha poboación ao longo do tempo.

   7. curva de Meyer [QUÍM ]

      Representación gráfica do volume atómico e doutras propiedades dos elementos químicos respecto ao volume atómico.

   8. curva de nivel [XEOG ]

      Liña que une determinados puntos no plano e que se emprega nas representacións cartográficas para unir os puntos de igual altitude, tendo como referencia un plano horizontal.

   9. curva de supervivencia [ECOL ]

      Representación gráfica do logaritmo do número de superviventes dunha poboación ao longo do tempo.

   10. curva de temperatura/térmica [MED ]

       Representación gráfica da variación da temperatura corporal ao longo do tempo no transcurso dunha enfermidade.

Antónimos

Citas

• As mozas que saían na revista tiñan moitas curvas
• Cando tiña que debuxar, en vez de facer trazos rectos facía curvas
• Hai que reducir de velocidade antes de entrar na curva para que agarre mellor o coche