cúpula

1. 1. s

      Tipo de cuberta que, cunha superficie semiesférica xerada pola rotación dun eixe central, cobre unha planta constituída por un cilindro ou un polígono de moitos costados.

   2. cúpula de cuarteiróns/lobulada

      Cúpula levantada sobre unha base circular e dividida en elementos independentes que teñen curvada a súa base.

   3. falsa cúpula

      Cúpula construída pola superposición de fiadas.

2. s f

   Conxunto de persoas que teñen ao seu cargo a dirección dalgunha organización.

3. s f [BOT ]

   Parte do froito das fagáceas que envolve a base do aquenio.

4. s f [BOT ]

   Arilo de teixo.

5. s f [BOT ]

   Envoltura que nas pteridospermas inclúe unha ou máis sementes.

6. s f [ANAT ]

   Parte alta de certos órganos e estruturas anatómicas.

7. s f [XEOL ]

   Pequena protuberancia que se separa do corpo principal dunha intrusión ígnea.

Sinónimos

Citas

• A cúpula dese partido político reuniuse para analizar os resultados electorais