consigna

1. s f

   1. Orde ou norma de conduta que se lle dá a unha persoa.

   2. [BÉL ]

      Orde que se lle dá a un subordinado que permanece nun posto de vixilancia, como sentinela ou garda.

2. s f

   Lugar nas estacións de ferrocarril e outros medios de transporte en que se recolle e garda provisionalmente a equipaxe dos viaxeiros.

Citas

• As consignas son claras: hai que avanzar sobre territorio inimigo
• Esa estación de autobús non tiña consigna
• Levamos os paquetes á consigna antes de visitar a cidade
• No debate formulou as súas consignas para as eleccións
• Os conxuradores tiñan a consigna de atacar ao mencer
• Pediume a consigna e non me lembraba das palabras exactas