condena

1. s f

   Clase e extensión dunha pena.

2. s f [DER ]

   Parte decisoria da sentenza en que se impón ao acusado unha obriga.

3. s f

   Posicionamento en contra de algo.

4. condena con custas [DER ]

   Pronunciamento da sentenza que obriga a un dos litigantes, o que actuou con temeridade ou mala fe, a facerse cargo dos gastos xudiciais que orixina o procedemento.

5. condena condicional [DER ]

   Suspensión do cumprimento da pena imposta ao delincuente coa condición de que o suxeito non volva delinquir ou cumpra unha serie de requisitos ou cargas legalmente previstas.

Citas

• A súa condena é ter que se levantar cedo todos os días
• No relatorio fixo unha condena da explotación infantil