combinación

1. s f

   Acción e efecto de combinar ou combinarse.

2. s f

   Conxunto único de números, letras ou signos que permite acceder a certos aparatos ou abrir mecanismos de seguridade.

3. s f

   Peza de vestir interior feminina que cobre desde os ombros ou a cintura ata o bordo da saia.

4. 1. s

      Agrupación de elementos na que só se ten en conta a distinción entre os elementos agrupados e non a orde na que se toman.

   2. combinación con repetición

      Tipo de combinación na que cada elemento pode repetirse calquera número de veces nunha mesma combinación.

5. s f [QUÍM ]

   Reacción química pola que dous ou máis elementos ou moléculas se xuntan para formar un composto único.

6. 1. s

      Fenómeno que, en glosemática, consiste en que dúas unidades compatibles no discurso non presentan ningún tipo de dependencia recíproca.

   2. combinación fonemática

      Secuencia regular de fonemas, produto da distribución destes. A sílaba é a combinación fonemática máis elemental.

   3. s

      Fenómeno de asimilación que consiste en que un son adquire algún trazo articulatorio do son próximo.

7. combinación circular [ARQUEOL ]

   Gravado rupestre que reproduce círculos ou liñas curvas. Pode adoptar distintas formas, desde círculos concéntricos ata figuras abstractas.

8. combinación lineal [MAT ]

   Suma de vectores dun espazo vectorial, multiplicados cada un deles por un determinado coeficiente escalar.

Sinónimos

Citas

• A combinación da caixa forte estaba gardada no banco
• A combinación de cores do teu vestido gústame moito
• A combinación gañadora do sorteo estaba errada
• Para ir á miña vila teño moi mala combinación de trens
• Véseche a combinación por debaixo da saia